Винарија Чифлик

Основен проект за изградба на угостителски објект со бруто површина од 1400m², катност од подрум, приземје, кат и поткровје. Во подрумот се сместува винарската визба со свој производен погон, склад со буриња, машинско одделение и магацини, потоа, тоалети за посетители и гардероби за вработени. Во приземјето е планиран делот за дегустација на вина со ресторан со сопствена кујна, помошни функционални простори и продавница за вино. На катот и поткровјето се сместувачките капацитети.

Испроектиран е објект со изглед на стара традиционална куќа, со употреба на традиционалните материјали камен и дрво, но во комбинација со современи стаклени фасадни површини и нагласени настрешници кои даваат оригинален изглед.