Конкурс за деловна зграда на Електродистрибуција подружница

Од страна на АД Електростопанство на Македонија беше распишан конкурс, на кој учествувавме со свое идејно решение за деловна зграда на нивната подружница во Кичево. Објектот е со катност од визба, приземје и кат и располага со бруто површина од 1320m². Во приземјето се планирани содржини од јавен карактер, шалтерска просторија и соодветни пратечки простории за администрацијата, на катот се предвидени канцелариите на вработените, а визбата ги прифаќа потребните помошни и сервисни простории.

Идејното решение што го презентиравме за деловната зграда на подружницата на Електростопанство во Кичево не само што беше наш иновативен одговор на нивниот натпревар, туку беше и признат и награден за својата извонредност. Проектот е награден со почесно признание.