Градиме соништа и иднина, каде Вашата надеж добива форма

Проектирање на сите видови новопланирани градби, како и реконструкција, адаптација и пренамена на постоечки објекти. Го водиме и координираме проектантскиот процес почнувајќи со анализа на потребите, капацитетот и наследената околина, преку развивање на креативна идеја, сè до изработка на комплетна проектно-техничка документација.

Со особено внимание и стручност пристапуваме кон конструктивни анализи, компјутерско моделирање и изработка на градежно-конструктивниот проект, кој го прати и надградува архитектонскиот дизајн и е целосно усогласен со важечките нормативи и кодови.

Изработка на урбанистички проекти и урбанистички планови за интегрирање и конекција на градбите помеѓу себе, градбите со природата и човекот со природата. Наша цел е да планираме урбан простор за квалитетно живеење и јавни простори достапни за секого.

Графички и дигитален дизајн на мебел и опрема и современи ентериерни решенија кои доаѓаат како логично продолжување на нашите архитектонски проекти, со единствена идеја да создаваме пријатен простор прилагоден на потребите на секојдневието.

Со нашето долгогдишно искуство во областа на градежништвото, нудиме инженерски консалтинг беспрекорно комбинирајќи ги иновациите со докажаните стратегии за справување со предизвици за успешно и квалитетно реализирана градба.

Како лиценцирана ревидентска куќа нудиме комплетна услуга и поединечни ревизии на проектно-техничка документација за резиденцијални, комерцијални, индустриски и јавни објекти.

Ние располагаме со овластен тим на инженери за вршење надзор врз изградбата на објекти со што, на високо стручно ниво го следиме развојот и реализацијата на градбата, обезбедувајќи потребна техничка документација и извештај за технички прием.

Градиме објекти од високоградба, вршиме реконструкција на објекти, доградби и надградби на постоечки објекти. Располагаме со високо професионален тим овластени инженери за изведба од областа на градежништвото и архитектурата, обучен кадар на градежни работници, машини и опрема. Се одликуваме со беспрекорна градба, краток изведбен период, искусно управување со изградбата, навремено и квалитетно исполнување на договорите.